Туриннинг “Ювентус” клуби ҳужумчиси Душан Влахович фаолиятини Англия Премьер-лигасининг кучли олтиликка кирмаган клубида давом эттириши мумкин.
The Telegraph нашри хабарига кўра, сербиялик футболчининг трансферига "Астон Вилла" қизиқиш билдирмоқда.
Бирмингем клуби ҳужум марказини кучайтириш имкониятларини фаол ўрганмоқда ва Влахович энг устувор вариантлардан бири ҳисобланади. Тўғри, "Астон Вилла" сербиялик футболчи билан маош борасида музокара олиб бориши қийин бўлади, чунки у жамоанинг маошига тўғри келмайди.
Эслатиб ўтамиз, Влахович 2022 йилнинг январида "Ювентус"га ўтишдан олдин Лондоннинг "Арсенал" клубига ўтиши мумкин эди, аммо якунда у Премьер-лигага ўтиш имкониятидан воз кечди.
