"Манчестер Юнайтед" бош мураббийи Эрик тен Хаг ўз жамоасида Кристиан Эриксен билан рақобатлашадиган яна бир ярим ҳимоячини кўрмоқчи. Бу ҳақда ижтимоий тармоқларда журналист Роб Доусон хабар берди.
“Қизил иблислар” устози келаси мавсумда совринлар учун курашиш учун жамоага яна бир ярим ҳимоячи керак, деб ҳисобламоқда. Қишда клуб жароҳат олган Эриксен ўрнига "Бавария"дан Марсель Забитцерни ижарага олди, аммо "Манчестер Юнайтед" австриялик футболчини доимий равишда сотиб оладими ёки йўқми, ҳозирча аниқ эмас.
Манбанинг таъкидлашича, янги ярим ҳимоячининг трансфери кейинги трансфер ойнасидаги маблағлар даражасига боғлиқ бўлади.
