ОФК бош котиби Ўзбекистон ўсмирларини табриклади

ОФК бош котиби Алекс Дато ўсмирлар ўртасидаги Осиё чемпионатида зафар қучган Ўзбекистон терма жамоасини ғалаба билан қутлади.

Турнир финалида қатнашган ва мусобақанинг энг яхши футболчиси унвонини қўлга киритган япониялик Таро Сугимотога совринни топширган Дато ўзбек футболи минтақада тараққий топиб бораётганини таъкидлаб ўтди.

«Биринчи навбатда мен Ўзбекистон терма жамоаси, ва ўзбек футболини оммалаштиришда хизмат қилаётган барчани ғалаба билан табрикламоқчиман. Бу жамоа терма жамоага келажакда яхши потенциал номзодлар етиштириб бериши аниқ», дейди у. «Минтақадаги бошқа мамлакатлар Ўзбекистондан ўрнак олиши керак. Турли савиядаги жамоалар мана шундай иштирок этишлари керак».

«Турнирнинг энг эътиборга молик томони, унинг рақобатбардош кечганида бўлди. Япония ҳам Ўзбекистон ҳам гуруҳ босқичида мағлубиятга учрашганди. Аммо гуруҳ босқичидан кейин бу икки терма жамоа ҳам финалга қадар бўлган йўлда матона кўрсата олишди. Бу турнирнинг олдиндан башорат қилиб бўлмас натижаларга бойлигини англатади».

Алекс Дато шунингдек, келгуси йили БААда бўлиб ўтадиган 17 ёшгача жаҳон чемпионати йўлланмасини қўлга киритган тўртта жамоа — Ўзбекистон, Япония, Эрон, Ироқ ва мезбон сифатида қатнашадиган БААни муҳим мусобақага йўлланма олгани билан қутлаб ўтди.

«Шунингдек мен, жаҳон чемпионатига йўл олиб жаҳон аренасида ўзини кўрсатиш имкониятига эга бўлганликлари билан табриклайман. Умид қиламанки, улар Осиё шарафини муносиб ҳимоя қилган ҳолда, ўз иқтидорларини намойиш этиб, минтақамиз футболида ўсиш кузатилаётганини исботлайди ва узоқ йиллик келажакни яратиб бизни фахрланишимизга сабаб бўлади».

«Бундан ташқари мен ушбу турнирда қатнашган барча 16 терма жамоага бу ерда рақобатбардош ўйинларни ташкил қилиб берганликлари учун миннатдорчилик билдирмоқчиман».

Шунингдек, Дато мусобақага мезбонлик қилиб, уни юқори савияда ўтказгани учун ОФК президенти Цзанг Цзилонг номидан Эрон Ислом республикаси футбол федерацияси президенти Али Кашшафига миннатдорчилик билдириб ўтди.

«Бу Осиёдаги энг яхши ташкиллаштирилган турнирлардан бири бўлди. Буларнинг барчаси Эрон футбол федерацияси ва маҳаллий ташкилий қўмиталарнинг меҳнатлари эвазигадир. Уларга бундай мусобақани муваффақиятли ташкил қилганликлари учун миннатдорчилик билдирамиз», дея Датонинг сўзларидан иқтибос келтирмоқда ОФК расмий сайти.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

22/12 00:45	Лечче	1-2	Лацио
22/12 01:00	Барселона	1-2	Атлетико
22/12 16:30	Рома	5-0	Парма
22/12 18:00	Валенсия	2-2	Алавес
22/12 19:00	Фулхэм	0-0	Саутгемптон
22/12 19:00	Лестер	0-3	Вулверхэмптон
22/12 19:00	Ман. Юнайтед	0-3	Борнмут
22/12 19:00	Эвертон	0-0	Челси
22/12 19:00	Венеция	2-1	Кальяри
22/12 20:15	Реал Мадрид	4-2	Севилья
22/12 21:30	Тоттенхэм	3-6	Ливерпуль
22/12 22:00	Аталанта	3-2	Эмполи
22/12 22:30	Леганес	2-5	Вильярреал
22/12 22:30	Лас-Пальмас	1-0	Эспаньол
23/12 00:45	Монца	1-2	Ювентус
23/12 01:00	Бетис	1-1	Райо Вальекано
23/12 22:30	Фиорентина	-	Удинезе
24/12 00:45	Интер	-	Комо

ОФК бош котиби Ўзбекистон ўсмирларини табриклади

ЭНГ КЎП ЎҚИЛГАН ЯНГИЛИКЛАР