"Милан" ҳужумчиси Дивок Ориги фаолиятини Туркия чемпионатида давом эттириши мумкин, деб хабар беради Calciomercato нашри.

Манбага кўра, 28 ёшли бельгиялик футболчига "Бешиктош", "Фенербахче" ва "Аланьяспор" клублари қизиқиш билдирмоқда.

Олдинроқ Италия клуби ёзда футболчини 15 миллион еврога сотишга тайёрлиги ҳақида хабар берилганди.

Ориги “Милан”га 2022 йилнинг июль ойида текинга келиб қўшилган, у аввалроқ “Ливерпул”да ўйнаган. 2022/23-йилги мавсумда ҳужумчи “россонерилар” сафида 35 та ўйинда майдонга тушиб, 2 та гол урди ва 1 та голли узатмани амалга оширди.

Transfermarkt портали футболчини 8 миллион еврога баҳоламоқда.