Мадриднинг “Реал” клуби ярим ҳимоячиси Лука Модрич Чемпионлар лигаси ярим финалида жамоаси “Манчестер Сити”дан нокаутга учрагани сабабини тушунтириб берди. Карло Анчелотти жамоаси сафарда йирик 0:4 ҳисобида мағлубиятга учради.
"Нима содир бўлди? Биз яхши эмас эдик. Биз бошқача ва яхшироқ ўйнашни режалаштирган эдик. "Манчестер Сити" биздан ўзиб кетди. Ҳаммаси шу”, - деди Модрич ўйиндан кейинги интервьюсида.
Модрич кейинги мавсумда ҳам "Реал"да қолади. Бир қатор нуфузли манбаларнинг таъкидлашича, Лука аллақачон муддати тугайдиган шартномасини узайтирган, бироқ бу хабар ҳали расман тасдиқланмаган.
