Лондоннинг “Тоттенхэм” клубининг франциялик дарвозабони Уго Льориснинг Саудия клубига трансферининг маълум шартлари очиқланди. Бу ҳақда Footmercato нашри хабар бермоқда.
Манбага кўра, Льорисни таклиф қилишдан манфаатдор бўлган клуб "Ал-Ҳилол" бўлиб, у жамоага ўтиши учун дарвозабоннинг маошини 3 баробар оширишга тайёр. Франциялик футболчининг ўзи Саудия клуби таклифини ўрганмоқда.
36 ёшли Льорис 2012 йилдан буён “Тоттенхэм”да ўйнаб келмоқда. Дарвозабоннинг клуб билан шартномаси 2024 йилнинг ёзига қадар тузилган. Жорий мавсумда дарвозабон “шпорлар” сафида барча турнирлар доирасида 31 та ўйин ўтказиб, ўз дарвозасидан 45 та гол ўтказиб юборди ва 9 марта ўз дарвозасини дахлсиз қолдирди. Льорис Лондон клубидаги фаолияти давомида бирорта ҳам жамоавий совринини қўлга кирита олмаган.
