Жозе Моуриньо жамоасини 6-марта еврокубоклар финалига олиб чиқди.
Европа Лигаси ярим финалида Моуриньо бошчилигидаги “Рома” умумий ҳисобда “Байер”ни (1:0, 0:0) мағлуб этиб, турнир финалига йўл олди.
Португалиялик 6-марта еврокубоклар финалига чиқди. Бунгача унинг қўл остидаги жамоалар ҳеч қачон финалда мағлуб бўлмаган - Моуриньо "Порту" билан УЕФА Кубоги ва Чемпионлар Лигаси, "Интер" билан Чемпионлар Лигаси, "Манчестер Юнайтед" билан Европа Лигаси ва "Рома" билан Конференциялар Лигасида ғалаба қозонган.
Европа лигаси финали 31 май куни Будапештда бўлиб ўтади. Унда "Рома" "Севилья" билан ўйнайди.