Дортмунднинг “Боруссия” клуби вингери Дониэлл Мален Германия Бундеслигасининг апрель ойида энг яхши футболчиси деб топилди, деб хабар берди лига матбуот хизмати.

Овоз беришда 24 ёшли нидерландиялик футболчи Жереми Фримпонг (“Байер”), Бенжамин Павар (“Бавария”), Жош Вагноман (“Штутгарт”), Мусса Диаби (“Байер”) ва Тимо Вернер (“Лейпциг”) каби футболчиларни ортда қолдирди.

Ўтган ой Мален Германия чемпионатининг бешта ўйинида қатнашиб, бешта гол урди.

Мавсум якунланишига икки тур қолганида “Боруссия” Бундеслига турнир жадвалида иккинчи ўринда бормоқда. “Арилар” пешқадам “Бавария”дан бир очко ортда қолмоқда.