Dortmundning “Borussiya” klubi vingeri Doniell Malen Germaniya Bundesligasining aprel oyida eng yaxshi futbolchisi deb topildi, deb xabar berdi liga matbuot xizmati.
Ovoz berishda 24 yoshli niderlandiyalik futbolchi Jeremi Frimpong (“Bayer”), Benjamin Pavar (“Bavariya”), Josh Vagnoman (“Shtutgart”), Mussa Diabi (“Bayer”) va Timo Verner (“Leypsig”) kabi futbolchilarni ortda qoldirdi.
O‘tgan oy Malen Germaniya chempionatining beshta o‘yinida qatnashib, beshta gol urdi.
Mavsum yakunlanishiga ikki tur qolganida “Borussiya” Bundesliga turnir jadvalida ikkinchi o‘rinda bormoqda. “Arilar” peshqadam “Bavariya”dan bir ochko ortda qolmoqda.
