Мадриднинг “Реал” клуби ёзда ўзининг асосий ҳужумчиси Карим Бензема ўрнига сотиб олмоқчи бўлган ҳужумчини танлашга қарор қилди.
Relevo нашри хабарига кўра, "қироллик клуби" жорий мавсум Испания чемпионатида 15 та гол урган "Эспаньол"дан Хоселуни ўз сафига қўшиб олмоқчи.
Хоселу жорий мавсумда Ла Лигада Роберт Левандовски ва ўша Карим Бенземадан кейин учинчи энг яхши тўпурар ҳисобланади. "Эспаньол" ҳужумчиси аввалроқ 2011-2012 йилларда "Реал"да ўйнаган. 33 ёшли Хоселу Ла Лигадаги сўнгги 4 мавсумининг ҳар бирида камида 11 та гол урди.
Манбага кўра, "Реал Мадрид" раҳбарияти ўтган ёзда янги ҳужумчи сотиб олмагани хатосини аллақачон тан олган.
