Мадриднинг "Реал" клуби "Манчестер Сити" ҳимоячиси Кайл Уокерни ўз сафига қўшиб олмоқчи.

Журналист Томас Гонсалеснинг хабар беришича, англиялик футболчи чиндан ҳам "қироллик клуби"нинг ёзги трансфер ойнаси учун қисқа рўйхатидан жой олган.

32 ёшли Уокернинг ёзда "Манчестер Сити" билан шартномаси тугашига бир йил вақт қолади, бу эса "Реал"нинг ишларини осонлаштиради. "Шаҳарликлар" англиялик футболчига янги шартнома таклиф қилиш борасида ҳамон шубҳалар бор.

Эслатиб ўтамиз, Уокер яқинда Чемпионлар лигаси доирасида "Реал"га қарши ярим финал учрашувида энг яхши ўйинчилардан бири бўлганди. Кайл "қаймоқранглилар"нинг асосий ҳужумчиси - Винисиус Жуниорнинг қаршиликларини деярли тўлиқ бартараф этди.