Хави "Барселона" раҳбариятига Рафиньянинг сотилишига қарши эканлигини айтди.
AS нашри хабарига кўра, Жоан Лапорта ва келажакда "Барселона"нинг спорт директори бўладиган Деку билан сўнгги учрашувларда Хави келаси мавсумда Рафиньяга тўлиқ ишонишини айтди.
"Барселона" устози бразилияликни сақлаб қолиш керак деб ҳисоблайди, чунки трансфер бозорида ҳужумнинг ўнг қанотида яхшироқ ўйинчи топиш қийин. Хави Рафиньянинг ўйинидан жуда мамнун. Қолаверса, вингер ҳеч қандай шароитда ҳам кетишни истамайди.
Усмон Дембеленинг соғлиғида мунтазам муаммолар борлигини инобатга олсак, Хавига сифатни йўқотмасдан унинг ўрнини боса оладиган футболчи керак.
Рафинья жорий мавсумда "Барса" сафида барча турнирларда 46 та ўйинда майдонга тушиб, 10 та гол ва 12 та голли узатмани амалга оширди.
