Пайшанба оқшомида «Рома» Европа Лигаси финалига йўл олди, жамоа «Байер» билан дуранг ўйнади (0:0).

Кубок учун ҳал қилувчи баҳсда Жозе Моуриньо шогирдлари «Севилья»га қарши баҳс олиб боради.

Ижтимоий тармоқларда мухлислар Тэмми Абрахамнинг тарихга кириши мумкинлигини муҳокама қилишмоқда.

«Рома» ҳужумчиси УЕФАнинг тўртта мусобақасида ҳам ғалаба қозонган биринчи футболчига айланиши мумкин. Абрахам аввалроқ «Челси» билан Чемпионлар Лигаси ва Ёшлар лигасида, шунингдек, «Рома» билан Конференсиялар Лигасида ғолиб чиққан.

«Рома» ва «Севилья» ўртасидаги Европа Лигаси финали баҳорнинг сўнгги оқшомида – 31 май куни бўлиб ўтади. Ўйин Будапештда бўлиб ўтади.