Чоршанба оқшомида «Реал Мадрид» «Манчестер Сити»га ҳеч қандай қаршилик қила олмади. Карло Анчелотти шогирдлари Англияда 0:4 ҳисобида ютқазиб, Чемпионлар лигасидан чиқиб кетишди.

«Барселона» футболчилари «WhatsApp»даги суҳбатда «Реал»нинг муваффақиятсизлигини муҳокама қилишди. Бу ҳақда AS нашри ўз саҳифаларида хабар бермоқда.

Манбанинг сўзларига кўра, «Улар қандай титраяпти» деган ёзишмалар билан «Барселона» футболчилари ашаддий рақибларининг устидан кулган. 

Шунингдек, «Барселона» футболчилари «Манчестер Сити»ни ўйинларини мақташгани ҳам қайд этилган.

«Манчестер Сити» 10 июнь куни Чемпионлар лигаси финалида «Интер»га қарши майдонга тушади.