Маурисио Почеттино «Челси» бош мураббийи бўлишга яқинлашмоқда.

Goal порталининг нуфузли The Times нашрига таяниб хабар беришича, аргентиналик мутахассис яқин кунларда Барселонадан Лондонга учиб кетади.

У ерда Почеттино уч мавсумга шартнома имзолайди. Маурисио 1 июль куни бу лавозимга киришади.

Эслатиб ўтамиз, аввалроқ Англияда Почеттино икки клуб - «Саутгемптон» ва «Тоттенхэм»ни бошқарган. Аргентиналик мураббий «ПСЖ»дан ҳайдалганидан кейин бир йил давомида ишсиз эди.

«Челси» АПЛ турнир жадвалида 11-ўринни эгаллаб турибди. Жамоа кейинги мавсумда еврокубокларда иштирок этмайди.