"Ньюкасл" сўнгги 20 йил ичида биринчи марта Чемпионлар лигасига чиқишга яқин турибди.
Келгуси мавсумда Чемпионлар лигаси гуруҳ босқичига йўл олиш учун "Ньюкасл"га "Лестер" ва "Челси"га қарши лиганинг қолган иккита ўйинида биттасида ғалаба керак.
"Ньюкасл" 20 йилдан бери Чемпионлар лигасида ўйнамайди. Жамоа охирги марта 2002/2003 йилги мавсумда турнирнинг гуруҳ босқичида иштирок этган.
“Ньюкасл” ҳозирда “Манчестер Юнайтед”дан 3 очко, “Ливерпуль”дан эса 4 очко олдинда.
18 май куни Англия Премьер-лигасининг 25-туридан ўрин олган қолдирилган ўйин бўлиб ўтди ва унда "Ньюкасл" ўз майдонида "Брайтон"ни қабул қилди. Эдди Хау жамоаси 4:1 ҳисобида ғалаба қозонди.
