"Интер" ҳужумчиси Лаутаро Мартинесга янги нарх белгилади. Бу ҳақида Football Italia нашри хабар берди.
Манбага кўра, Аргентина термаси ҳужумчисининг янги нархи 80 миллион евро этиб белгиланган.
2022/2023 йилги мавсумда Мартинес “Интер” сафида 52 та ўйин ўтказди. Уларда ҳужумчи 25 та гол ва шерикларига 10 та голли узатма ёздириб қўйган. Лаутаро Милан клубида 2018 йилнинг ёзидан буён ўйнаб келмоқда.
Эслатиб ўтамиз, ўтган ҳафтада "Интер" Чемпионлар лигаси финалига йўл олганди. У ерда Симоне Индзаги шогирдлари “Манчестер Сити”га қарши баҳс олиб боради. Ўйин 10 июнь куни Истанбулда бўлиб ўтади.
