«Барселона» ярим ҳимоячиси Марк Касадо клубдан кетиш шартини маълум қилди. 22 ёшли футболчи клубда қолишни исташини тан олди, аммо агар унга очиқчасига кетиш кўрсатмаси берилса, у сотилишга тўсқинлик қилмаслигини билдирди.
«Агар «Барселона»да кетишим маъқулроқ деб ҳисоблашса, демак шундай бўлади. Мен доимо жамоага, клубга ёрдам беришни истаганман. Мен истайдиган ягона нарса шу — қўлимдан келган барча ишни қилиш. Агар мендан кетишимни сўрашса — кетаман», — дея Касадонинг сўзларини келтиради Barca Universal.
Ярим ҳимоячининг «кўк-анорранглилар» билан тузган меҳнат шартномаси 2028 йилгача мўлжалланган. Transfermarkt портали испаниялик футболчининг бозор қийматини 18 миллион еврога баҳоламоқда.
