Давид Де Хеа 2022/23 йилги мавсумда Премьер-лиганинг «Олтин қўлқоп» совринини қўлга киритди.
37-турда «Манчестер Юнайтед» «Борнмут»ни 1:0 ҳисобида мағлуб этди. Де Хеа Премьер-лиганинг жорий мавсумида 18 та «қуруқ» ўйин ўтказди ва бу кўрсаткич бўйича ягона лига пешқадамига айланди.
Совринга даъвогарлик қилган Алиссон («Ливерпуль»), Ник Поуп («Ньюкасл») ва Аарон Рэмсдейл («Арсенал») энди «Манчестер Юнайтед» дарвозабонига ета олмайди.
Де Хеа 2017/18 йилги мавсумда ҳам «Олтин қўлқоп»ни қўлга киритганди - ўшанда ҳам у 18 учрашувда гол ўтказмаган. 2022/23 йилги мавсумда дарвозабоннинг Премьер-лигада яга 2 та учрашуви қолди.