"Локомотив" бош мураббийи Денис Коростиченко Про лиганинг 9-тури доирасида бўлиб ўтган "Машъал"га қарши ўйин (0:0) борасида ўз фикрлари билан ўртоқлашди.

"Ўйин қизиқарли ўтди. Натижа 0:0 бўлган бўлса-да, юқори темпда ўйнашга ҳаракат қилдик. Ўйиннинг назорати кўпроқ бизда бўлди. Яхши вазиятлар яратдик. Биринчи бўлимда ҳам, иккинчисида ҳам ҳисобни очишимиз керак эди. Режалар бироз ўхшамади.

«Машъал»нинг қандай ўйин кўрсатиши борасида бироз тушунчамиз бор эди. Балки уларнинг ҳимоявий ўйин кўрсатишини, қарши ҳужумларга таянишини топгандирмиз ҳам. Уларнинг вазиятлар яратиши учун деярли имкон қолдирмадик. Йигитлар ҳаракат қилишди, бор кучларини ишга солишди. Ҳатто дарвоза устунини ҳам пойладик. Энди навбатдаги ўйинга тайёргарликни бошлаймиз. Бу учрашувни эса кўриб чиқиб, таҳлил қиламиз",  деди Денис Коростиченко.