"Манчестер Юнайтед" бош мураббийи Эрик тен Хаг ярим ҳимоячи Каземиронинг ўйини ҳақида гапирди.

“У бизни ҳайратда қолдиришда давом этмоқда. У ажойиб футболчи, биз уни тўғри позиция танлайдиган, кўп тўпларни рақибидан олиб қолиб, дуэлларда ғалаба қозонадиган ўйиннинг жуда яхши ташкилотчиси сифатида биламиз. У жамоани бирлаштирадиган курашчи. Лекин биз унинг узатмага эгалигини, вазиятлар ярата олишини ва тўлдиришини ҳам кўрамиз. Шунчаки ажойиб футболчи", - дея тен Хаг сўзларини келтиради клуб расмий сайти.

31 ёшли бразилиялик футболчи 2022 йилнинг ёзидан буён "Манчестер Юнайтед" сафида тўп суради.

Жорий мавсумда у 50 та ўйин ўтказиб, 6 та гол урди ва 7 та голли узатмани амалга оширди.