"Барселона" Лионель Мессининг трансферидан катта молиявий даромад олишни истамоқда.
Аргентиналик футболчи эркин агент сифатида Каталония клубига қайтиши мумкин, чунки унинг "ПСЖ" билан шартномаси июнь ойида тугайди.
Журналист Давид Бернабеунинг сўзларига кўра, “Барселона” 35 ёшли суперюлдуз билан шартнома имзолаш қанчалик фойдали бўлишини аллақачон ҳисоблаб чиққан: клуб янги ҳомийларни жалб қилиш орқали 150 миллион еврога яқин даромад олади, футболкалар сотишдан тушган фойда 50 фоизга ошиши керак, яна 80 миллион евро сотилган чипталардан тушади.
Шу билан бирга, Мессининг маоши, такидланганидек, йилига "атиги" 13 миллион еврони ташкил этади.
