Таниқли инсайдер Фабрицио Романо "Ювентус" ва "Челси" ўртасида Душан Влахович борасидаги музокаралар ҳақидаги маълумотни рад этди.
Яқинда ОАВ хабарларидан маълум бўлишича, Лондон клуби серб учун 80 миллион евролик расмий таклиф билан "Ювентус"га мурожаат қилган.
Романонинг сўзларига кўра, бу маълумот ҳақиқатга тўғри келмайди. Влахович "Челси"да кузатиб борилаётган кўплаб ҳужумчилардан бири, аммо ҳозирча музокаралар олиб борилмаяпти. Қайд этилишича, 23 ёшли ҳужумчи учун "Манчестер Юнайтед" ва "Бавария" ҳам кураш олиб бориши мумкин.
Transfermarkt Душан Влаховичнинг трансфер нархини 75 миллион еврога баҳоламоқда.
