Винисиус Жуниор "Валенсия"га қарши ўйинда қизил карточка кўрди.
Бразилиялик футболчи 97-дақиқада рақибининг юзига тирсаги билан зарба бергани учун майдондан четлатилди. Учрашув “Реал”нинг минимал ҳисобдаги мағлубияти билан якунланди. Винисиус XXI аср бошидан бери Ла Лигада қизил карточка олган "Реал Мадрид"нинг энг ёш ҳужумчисига айланди (22 ёшу 313 кун). Аввалги рекордчи яна бир бразилиялик Робиньо бўлиб, у 2007 йилда "Севилья"га қарши ўйинда 23 ёшу 101 кунлигида қизил карточка олган эди.
Винисиус Жуниор Ла Лиганинг жорий мавсумида ўнта гол урди, тўққизта голли узатмани амалга оширди ва ўнта сариқ карточка олди.
