Мадриднинг “Реал” клуби бош мураббийи Карло Анчелотти “ПСЖ” ярим ҳимоячиси Марко Верраттини ўз жамоасида кўрмоқчи. L'Equipe хабарига кўра, италиялик мутахассис, агар у "Сантьяго Бернабеу"да қолса, ўз ҳамюртининг трансферини талаб қилади.
Аввалроқ Анчелотти раҳбариятдан келажаги борасида кафолат олгани ҳақида хабар берилганди. Тахминларга кўра, Карло келаси мавсумда "Реал"ни бошқаришда давом этади, шундан сўнг у шартномасини охиригача бажариб, эркин агент сифатида кетади.
Анчелотти аввалроқ Верратти билан "ПСЖ"да ишлаган. Айнан италиялик мутахассис қўл остида парижликлар 2012 йилда "Пескара"дан Маркони сотиб олишганди.