Саудия Арабистони пойтахти Ар Риёд шаҳрида ўқув-мшғулот йиғинини ўтказаётган Ўзбекистон ёшлар терма жамоаси (U 19) Саудия Арабистони терма жамоаси билан навбатдаги ўртоқлик учрашувида майдонга тушди ва 3:1 ҳисобида ғалаба қозонди.

Хабарингиз бор, иккала терма жамоа 6 октябрь куни ўзаро майдонга тушишган ва ўша учрашувда ҳам терма жамоамиз 2:1 ҳисобида ғалаба қозонган эди.

Саудия Арабистони терма жамоасига қарши иккинчи ўртоқлик учрашувида ҳам Аҳмаджон Мусаев шогирдлари ғалаба нашидасини суришди. Бу сафар Ўзбекистон ёшлар терма жамоаси ҳужумчиси Игорь Сергеев дубльга эришган бўлса, яна бир голга терма жамоа сардори Владимир Козак муаллифлик қилди.

Эслатиб ўтиш жоиз, Ўзбекистон ёшлар терма жамоаси шу йилнинг 4 ноябрь куни БАА мамлакатида старт оладиган ёшлар ўртасидаги (U19) Осиё чемпионатида қатнашади. Саудия Арабистонида йиғин ўтказаётган терма жамоа аъзолари 10 октябрь куни юртимизга қайтишади.