Ҳужумчи Винисиус Жуниор якшанба куни Ла Лига доирасида "Валенсия"га қарши ўйинда ирқчиликка дуч келди. Эртаси куни "Реал Мадрид" президенти Флорентино Перес бразилиялик футболчи билан учрашди, дея хабар беради журналист Аранча Родригес ижтимоий тармоқларда.
Қайд этилишича, Перес Винисиусни қўллаб-қувватлаган, шунингдек, клуб футболчини ҳимоя қилиш учун қандай чоралар кўраётгани ҳақида гапирган.
Аввалроқ, "Реал Мадрид" прокуратурага қилинган мурожаат ҳақида маълум қилганди.
Мадриднинг “Реал” клуби айни дамда Испания чемпионати турнир жадвалида учинчи ўринда бормоқда.
