23 ёшли ярим ҳимоячи Давиде Фраттези мавсум охирида "Сассуоло"ни тарк этиши мумкин.
"Айтишим мумкинки, Давиде Фраттези учун энг яхши имконият Англия Премер-лигаси клубидан келади", - деди "Сассуоло" директори Жованни Карневали.
Шунингдек, у Фраттезига инглиз тилини имкон қадар тезроқ ўрганишни бошлашни маслаҳат бериб, унинг янги жамоада муваффақиятли мослашиш ва мулоқот қилиш учун муҳимлигини таъкидлади.
23 ёшли ярим ҳимоячи жорий мавсумда “Сассуоло” сафида барча турнирларда 37 та ўйинда майдонга тушиб, 7 та гол урди. Transfermarkt портали футболчини 22 миллион еврога баҳоламоқда.
