Туриннинг "Ювентус" клубининг аргентиналик вингери Анхель ди Мария яқин орада келажаги ҳақида бир қарорга келади.
Инсайдер Фабрицио Романонинг сўзларига кўра, жанубий америкаликнинг "кекса синёра" билан музокаралари боши берк кўчага кириб қолган.
Ди Мария клубни эркин агент сифатида тарк этади. Анхелга Саудия Арабистони клублари қизиқиш билдирмоқда, бироқ футболчининг ўзи Европа футболида қолишни истайди.
35 ёшли ярим ҳимоячи жорий мавсум Италияда 24 та ўйинда майдонга тушиб, 4 та гол (биттаси пеналтидан) ва 4 та голли узатмани амалга оширди.