"Бавария" ҳимоячиси Жоау Канселу ўнг қанот ҳимоячиси позициясини мустаҳкамлаш учун "Барселона"нинг устувор мақсадига айланди. Журналист Габриэль Санснинг сўзларига кўра, португалиялик футболчи каталонияликлар раҳбарияти учун "Вильярреал" ҳимоячиси Хуан Фойтдан кўра кўпроқ маъқул келган.
Канселу ҳозирда "Манчестер Сити"га тегишли ва "Бавария" унинг трансфери учун тўлов сифатида 70 миллион евро тўламоқчи эмас. Жоауга Лондоннинг "Арсенал" клуби ҳам қизиқиш билдирмоқда.
Эслатиб ўтамиз, "Барселона" Жюль Кунде ҳимоя марказидаги ўз жойига қайтиши учун ўнг қанот ҳимоячиси сотиб олмоқчи.
