“Ан-Наср” ҳужумчиси Криштиану Роналду Саудия Арабистони лигаси дунёдаги энг кучли чемпионатлардан бирига айланишига ишонмоқда.
“Саудия лигаси кучайиб бормоқда, келаси йили у янада яхши бўлади. Босқичма-босқич дунёнинг кучли беш лигасидан бирига айланади. Лекин бизга вақт, футболчилар, инфратузилма керак. Бироқ, мен ишонаманки, бу мамлакатда ажойиб салоҳият, ажойиб одамлар бор. Лига ажойиб бўлади”, деди Роналду ўйиндан кейинги интервьюсида.
Эслатиб ўтамиз, кеча, 23 май куни Саудия Арабистони чемпионатининг 28-туридан ўрин олган ўйин якунига етди, унда "Ан-Наср" ўз майдонида "Аш-Шабоб"ни қабул қилди. Учрашув мезбонларнинг 3:2 ҳисобидаги ғалабаси билан якунланди. Криштиану Роналду жамоасининг учинчи голини киритиб, учрашувдаги якуний ҳисобни ўрнатди.
