“An-Nasr” hujumchisi Krishtianu Ronaldu Saudiya Arabistoni ligasi dunyodagi eng kuchli chempionatlardan biriga aylanishiga ishonmoqda.
“Saudiya ligasi kuchayib bormoqda, kelasi yili u yanada yaxshi bo‘ladi. Bosqichma-bosqich dunyoning kuchli besh ligasidan biriga aylanadi. Lekin bizga vaqt, futbolchilar, infratuzilma kerak. Biroq, men ishonamanki, bu mamlakatda ajoyib salohiyat, ajoyib odamlar bor. Liga ajoyib bo‘ladi”, dedi Ronaldu o‘yindan keyingi intervyusida.
Eslatib o‘tamiz, kecha, 23 may kuni Saudiya Arabistoni chempionatining 28-turidan o‘rin olgan o‘yin yakuniga yetdi, unda "An-Nasr" o‘z maydonida "Ash-SHabob"ni qabul qildi. Uchrashuv mezbonlarning 3:2 hisobidagi g‘alabasi bilan yakunlandi. Krishtianu Ronaldu jamoasining uchinchi golini kiritib, uchrashuvdagi yakuniy hisobni o‘rnatdi.
