"Барселона" ҳужумчиси Рафинья Ла Лиганинг 36-туридан ўрин олган "Вальядолид"га (1:3) қарши ўйиндан сўнг мухлислардан узр сўради.
"Ўйлайманки, ўйин яхши ўтди, аммо бизга майдонда шиддатлилик етишмади. Биз фаолроқ бўлишимиз керак эди, энди мағлубият учун жавобгарликни ўз зиммамизга олишимиз керак. Балки жамоада мотивация етишмаётгандир. Нима бўлганда ҳам, мухлислардан узр сўрашимиз керак", - деди Рафинья Каталония клуби матбуот хизматига.
"Барселона" аллақачон чемпионликни қўлга киритган. “Вальядолид” 38 очко жамғариб, 17-ўринга кўтарилиб, қуйи лига тушиб кетиш зонасини тарк этди.
