"Барселона" ҳужумчиси Ферран Торрес сўнгги пайтларда ўзини сотилиши ҳақидаги миш-мишларга қарамай, кейинги мавсумда жамоасида қолиши мумкин.
Журналист Жерар Ромеронинг фикрича, агар Каталония клуби ёзда “Атлетико Паранаэнсе”дан ҳужумчи Витор Рокени сотиб ололмаса, Торрес катта эҳтимол билан “Камп Ноу”да қолади.
Роке ҳозирда 50 миллион еврога баҳоланмоқда, бу эса молиявий жиҳатдан қийналаётган "Барселона" учун келишувни қийинлаштирмоқда. Бразилиялик футболчига Англия Премьер-лигасининг бир қатор клублари ҳам даъвогарлик қилмоқда.
Эслатиб ўтамиз, Ферран "Манчестер Сити"дан 55 миллион евро эвазига кўчиб ўтганидан сўнг "Барселона"да бир ярим мавсум ўтказди.
