"Милан"нинг собиқ ҳимоячиси Алессандро Неста Карло Анчелоттининг аср бошидаги шонли жамоаси ҳақидаги хотиралари билан ўртоқлашди.
Ўша "Милан" икки марта Чемпионлар лигасида ғолиб чиқди, аввалига 2003 йилда, кейин эса 2007 йилда, аммо 2006 йилда Андрей Шевченко "Челси"га кетганди. Неста Шевченко масъулиятли, муҳим ўйинларни жуда яхши кўрганини эслайди.
"Андрей Шевченконинг порлаши учун катта рағбат керак эди. У осон ўйинларни ёқтирмасди. Ва масъулиятли ўйин вақти келганида, Андрей голлар урди ва порлади", - деди Неста pianetamilan.it билан суҳбатда.
Эслатиб ўтамиз, Шевченко 1999 йилда "Милан"га ўтганди.
