"Манчестер Юнайтед" бош мураббийи Эрик тен Хаг жамоанинг энг яхши тўпурари Маркус Рэшфорд эртага АПЛ доирасида "Челси"га қарши ўйнайдими ёки йўқлигини ҳали билмайди.
"Кеча Рэшфорд умумий гуруҳда машғулотларни давом эттирди. Кўриниб турибдики, Маркус формада, аммо бугун машғулотлар у учун қанчалик самарали бўлганини текширишимиз керак. Мен Рэшфорднинг "Челси"га қарши ўйнашини ҳозирча билмайман" - деди Тен Хаг матбуот анжуманида.
Рэшфорд жорий мавсумда барча турнирларда 29 та гол урди. Англия чемпионатининг сўнгги турида "Борнмут"га қарши ўйинда футболчи жароҳати сабаб иштирок этмади.
