"Манчестер Юнайтед" "Тоттенхэм" ҳужумчиси Харри Кейнга қизиқишда давом этмоқда, деб хабар беради The Guardian.
Манба берган хабарга кўра, манкунианликлар "Тоттенхэм" президенти Дэниел Леви билан музокаралар қийин кечишидан хабардор, аммо барибир ҳужумчи учун курашишга тайёр, чунки улар Кейн "Манчестер Юнайтед"ни АПЛ чемпионлиги учун даъвогарга айлантиришига ишонишмоқда.
29 ёшли ҳужумчи жорий мавсумда барча турнирларда 48 та ўйинда майдонга тушиб, 30 та гол урди ва 5 та голли узатмани амалга оширди. Transfermarkt портали унинг нархини 90 миллион еврога баҳоламоқда.
Кейннинг "Тоттенхэм" билан шартномаси 2024 йилнинг ёзида якунига етади.