Карим Бензема "Реал Мадрид" сафида Криштиану Роналдусиз 5 мавсумнинг 4 тасида 30 ва ундан ортиқ гол урган.

Ла Лиганинг 36-туридан ўрин олган "Райо Вальекано"га қарши ўйинда ҳужумчи 31-дақиқада ҳисобни очди. Бу гол Бензема учун барча мусобақалардаги 30-гол бўлди.

2018 йилда Криштиану Роналду "Реал Мадрид"дан кетганидан бери Бензема 5 мавсумнинг 4 тасида бу кўрсаткичдан кўпроқ натижа қайд этди - 2019/20 йилги мавсумни ҳисобга олмаганда, француз ўшанда 27 та гол урган.

Шу билан бирга, португалиялик билан 9 мавсум давомида ҳужумчи фақат 2011/12 йилги мавсумда 30 ва ундан ортиқ гол урган (32 та гол).