Про-лига қолдирилган 4-туридан ўрин олган "Шўртан" — "Машъал" (2:0) учрашувидан сўнг меҳмонлар бош мураббийи Дилявер Ваниев матбуот анжуманида иштирок этди.

Ўйин ҳақида
— Албатта “Шўртан" жамоасини ғалаба билан табриклайман. Ўйинда мағлуб бўлдик, хатоларимиз бор. Айрим вазиятларда совуққонлик етишмади. "Машъал" либосида майдонга тушдингми, шунга мос ҳаракат қилишинг керак. Ёш болаларча хатоларга йўл қўйдик.

Навбатдаги ўйинда таркибда ротацияларни амалга оширамиз. Асосий хато тўпни қабул қилиш ва узатмаларда юзага келди. Иккинчи голда қўпол хатога йўл қўйдик. Ҳозир ўйин эмоциясида қандай изохлашга ҳам хайронман. Такрор айтаман, кейинги турда жиддий ротацияларга қўл урамиз.

— "Машъал"нинг сўнги ўйинларда "Шўртан" билан ўйинларидаги натижалари салбий. Буни қандай изоҳлайсиз?
— "Шўртан" ғалаба қозонаётган бўлса, демак, бизга маҳорат етишмаган ҳисобланади. Статистикалар бу ерда аҳамиятсиз, биз доим ҳам "Шўртан"га мағлуб бўлиб келаётганимиз йўқ.

— Бугун 2 та гол урган Муҳриддин Зоиров "Машъал" кўригида бўлган. Бироқ таркибга жалб этилмаганини сабаби нима?
— Бу футболчининг ўз ҳоҳишига кўра эди. Унинг қарори шундай экан, биз буни ўзгартира олмаймиз.