Ҳуқуқлари туринлик "Ювентус"га тегишли бўлган франциялик ярим ҳимоячи Адриен Рабьо АПЛга ўтиши мумкин. "Манчестер Юнайтед" ярим ҳимоячига қизиқиш билдирмоқда.
Инсайдер Николо Скиранинг ижтимоий тармоқларида ёзишича, "қизил иблислар" вакиллари Адриеннинг агенти бўлган онаси билан музокараларни бошлаган.
Агар "манкунианликлар" агент билан келишиб олишса, Рабьони текинга ўз сафига қўшиб олишади. Франциялик футболчининг “кекса синьора” билан шартномаси келаси ой охирида якунига етади.
Ярим ҳимоячи жорий мавсум А Серияда 30 та ўйинда майдонга тушиб, 8 та гол ва 4 та голли узатмага муаллифлик қилган.
