Huquqlari turinlik "Yuventus"ga tegishli bo‘lgan fransiyalik yarim himoyachi Adriyen Rabyo APLga o‘tishi mumkin. "Manchester Yunayted" yarim himoyachiga qiziqish bildirmoqda.

Insayder Nikolo Skiraning ijtimoiy tarmoqlarida yozishicha, "qizil iblislar" vakillari Adriyenning agenti bo‘lgan onasi bilan muzokaralarni boshlagan.

Agar "mankunianliklar" agent bilan kelishib olishsa, Rabyoni tekinga o‘z safiga qo‘shib olishadi. Fransiyalik futbolchining “keksa sinyora” bilan shartnomasi kelasi oy oxirida yakuniga yetadi.

Yarim himoyachi joriy mavsum A Seriyada 30 ta o‘yinda maydonga tushib, 8 ta gol va 4 ta golli uzatmaga mualliflik qilgan.