"Лейпциг" Дани Ольмони ўз жамоасида сақлаб қолмоқчи.

Журналист Фабрицио Романонинг ёзишича, испаниялик футболчи клубнинг янги шартнома бўйича биринчи таклифини рад этганидан сўнг, клуб футболчи билан тез орада музокараларни давом эттирмоқчи.

Эслатиб ўтамиз, Ольмонинг шартномаси 2024 йилнинг ёзида якунига етади. Ярим ҳимоячининг хизматларига "Реал Мадрид" ва Каталониянинг "Барселона" клублари қизиқиш билдирмоқда. Бироқ, бу клублар Ольмони 2024 йилда текинга ўз сафига қўшиб олмоқчи.

Ольмо Бундеслиганинг жорий мавсумида 2 та гол урди ва 4 та голли узатмани амалга оширди.