Суперлиганинг 12-турида ОКМК Тошкентда "Бухоро"ни меҳмон қилади.
ОКМК сўнгги бор "Бухоро" билан 2020 йилги мавсумда тўқнаш келган эди. Биринчи даврада 2:2 ҳисоби қайд этилган бўлса, иккинчи даврада бухороликлар 3:1 ҳисобида мағлуб этилган.
Жамоаларнинг ўзаро қарама-қаршилигидаги статистикада "кончилар" устунлик қилмоқда. Жами ўтказилган 24 учрашувда олмалиқликлар 10, "Бухоро" эса 9 маротаба ғалаба қозонган. Қолган 5 баҳсда дуранг қайд этилган. Тўплар нисбати ОКМК фойдасига: 40-28.
ОКМК ҳозирда чемпионат ўйинларида 10 учрашувдан кейин 17 очко тўплаган ҳолда 5-ўринда. "Бухоро" эса 10та ўйиндан 7 очко жамғариб мусобақа жадвалининг 11-поғонасида бормоқда.
