"Манчестер Сити" бош мураббийи Хосеп Гвардиола чемпионлик байрами ҳақида гапирди.
"Соат 22:30да хотиним билан ухлаётгандим, чарчаган эдим. BBCда “Match of the Day” кўрсатувини томоша қилдим, кейин гўдакдек ухладим. Аммо футболчилар буни нишонлашлари керак эди. Премьер-лигада ғалаба қозонганингда, буни нишонлашинг шарт", - деди Гвардиола City Xtra билан суҳбатда.
"Манчестер Сити" бу мавсумда требл ютиш учун имкониятга эга. Жамоани олдинда “Манчестер Юнайтед”га қарши Англия кубоги финали (3 июнь) ва “Интер”га қарши Чемпионлар лигаси финали (10 июнь) турибди. Айтиш жоизки, “шаҳарликлар” ҳеч қачон Европанинг энг кучли клуб турнирида ғалаба қозонишмаган.
