"ПСЖ" раҳбарлари жамоа ярим ҳимоясини "Манчестер Сити"дан Бернарду Силвани сотиб олган ҳолда кучайтирмоқчи, дея хабар беради журналист Маттео Моретто.

Париж гранди аллақачон инглиз клубига 28 ёшли футболчининг трансфери бўйича таклиф билан чиққан. "Шаҳарликлар" Бернардуни сотилиши ҳақида 10 июнь куни бўлиб ўтадиган УЕФА Чемпионлар Лигаси финалидан сўнг қарор қабул қилишади.

Силва "Манчестер Сити"да 2017 йилнинг июлидан бери ўйнамоқда, унинг шартномаси 2024/2025 йилги мавсум охиригача амал қилади. Transfermarkt портали португалиялик футболчини 80 миллион еврога баҳолаган.