"Бавария" ҳимоячиси Бенжамен Павар фаолиятини бошқа клубда давом эттириши мумкин.
Kicker нашри хабарига кўра, 27 ёшли футболчининг келажаги ҳақида аниқлик йўқ.
Унинг шартномаси 2024 йилгача мўлжалланган ва "Бавария" футболчини ўзида сақлаб қолмоқчи. Агар томонлар шартномани узайтириш борасида келиша олмасалар, бу ёзда мюнхенликлар футболчини сотиш имкониятга эга бўлишади.
Паварга бир қанча клублар қизиқиш билдирмоқда: "Интер" қишда таклиф билан чиққан, "Барселона" ҳам ҳимоячини кузатиб бормоқда. Яқинда Бенжаминнинг трансфери бўйича илк сўровларни "Реал" ва "Манчестер Юнайтед" юборди. “Ливерпуль” ҳам футболчига бефарқ эмас.
Ҳозир Павар бор эътиборини Бундеслигадаги сўнгги ўйинга қаратган. У келажаги ҳақида мавсум охирида қарор қабул қилади.
