"Ўргимчак-одам" болалар орасида жуда машҳур персонажлардан бири, лекин футболчилар орасида ҳам ўз голларини унга тақлид қилган ҳолда нишонлаганлар топилади.
Пьер-Эмерик Обамеянг буни жуда яхши кўрарди, аммо биз Обамеянг охирги марта қачон гол урганини аллақачон унутганмиз.
Бироқ кореялик ҳужумчи Сон Хён Мин ҳам бу кинонинг ашаддий мухлисидир. У 2-июнь куни тақдим этиладиган “Ўргимчак одам: Ўргимчак дунёси бўйлаб” янги фильмининг трейлеридан мамнун бўлди.
Трейлерлардан бирида фильмнинг бош қаҳрамонларидан бири, ўргимчак одамнинг дўсти Майлс Моралес ўз хонасига Сонг Хён Миннинг афишасини осиб қўйган кадр кўрсатилган.
