"O‘rgimchak-odam" bolalar orasida juda mashhur personajlardan biri, lekin futbolchilar orasida ham o‘z gollarini unga taqlid qilgan holda nishonlaganlar topiladi.
Pyer-Emerik Obameyang buni juda yaxshi ko‘rardi, ammo biz Obameyang oxirgi marta qachon gol urganini allaqachon unutganmiz.
Biroq koreyalik hujumchi Son Xyon Min ham bu kinoning ashaddiy muxlisidir. U 2-iyun kuni taqdim etiladigan “O‘rgimchak odam: O‘rgimchak dunyosi bo‘ylab” yangi filmining treyleridan mamnun bo‘ldi.
Treylerlardan birida filmning bosh qahramonlaridan biri, o‘rgimchak odamning do‘sti Mayls Morales o‘z xonasiga Song Xyon Minning afishasini osib qo‘ygan kadr ko‘rsatilgan.
