"Арсенал" бош мураббийи Микел Артета клуб билан янги шартнома борасида музокараларни бошлади. Бу ҳақда Football Transfers хабар бермоқда.
Манбага кўра, "Арсенал" директорлар кенгаши испаниялик мутахассис қўл остида жамоанинг муваффақияти учун мукофот сифатида Артета билан шартномани 2028 йилгача узайтирмоқчи. Шунингдек, бош мураббий маошини сезиларли даражада ошириши керак. "Арсенал" 19 июль куни АҚШда ўтказиладиган ўртоқлик учрашуви билан бошланадиган мавсум бошланишига қадар барча шартномалар ва трансферлар бўйича музокараларни якунламоқчи.
41 ёшли Артета 2019 йилдан бери "Арсенал" бош мураббийи ҳисобланади. Жорий мавсумда 37 та ўйиндан сўнг “канонирлар” 81 очко билан АПЛда иккинчи ўринни эгаллашди. Артетанинг амалдаги шартномаси 2025 йилгача мўлжалланган.
