"Барселона" футболчиси Усмон Дембеле агенти билан клубнинг янги шартнома бўйича таклифини ўрганмоқда. Эслатиб ўтамиз, франциялик футболчининг "кўк-анорранглилар" билан амалдаги шартномаси 2024 йилнинг ёзида якунига етади.
Журналист Габриэль Санснинг ижтимоий тармоқларда хабар беришича, шартнома янгиланиши ҳақида ҳар томондан оптимистлик бор. Футболчи ва клуб келишувни 30 июнга қадар узайтирмоқчи.
Эслатиб ўтамиз, Дембеле ўтган ёзда "Барселона"ни эркин агент сифатида тарк этиши мумкин эди, аммо франциялик футболчи якунда маошини камайтиришга рози бўлди ва клуб билан икки йиллик шартнома имзолади. Усмон ушбу мавсумда Ла Лигада 5 та гол ва 5 та голли узатмага эга.